549.000kr 494.100kr

Nám í markþjálfun

10% afsláttur gildir til 15. desember sem nemur kr. 54.900kr

Leiðbeinendur

Image Description

Laufey Haralds

PCC Markþjálfi
Image Description

Rúna Björg

ACC Markþjálfi
Image Description

Arnór Már

MCC Markþjálfi
Skrá mig – á námskeiðið. Skráning

Hvað er markþjálfun?
Markþjálfun er samtalstækni sem miðar að því að hjálpa þeim sem sækja markþjálfun að hámarka möguleika sína til vaxtar. Viðfangsefni markþjálfunar geta meðal annars verið persónulegur vöxtur, aukin lífsgæði, betri frammistaða eða hvað annað sem markþeginn ákveður að einblína á.
Í markþjálfun er lögð áhersla á samvinnu milli markþjálfa og markþegans. Markþjálfinn er liðsmaður í vegferð markþegans. Hann heldur utan um ferlið, beinir að kjarna málsins með beinum tjáskiptum og kraftmiklum spurningum. Þannig skapast rými til viðhorfsbreytinga, sjálfsskoðunar og vaxtar, þar sem markþeginn leitar að og finnur lausnir.

Það sem einkennir okkur hjá Virkja
Við erum öflugt og reynslumikið kennarateymi sem hefur einstaka hæfni í að hlusta á hópinn og einstaklinginn í þessu vaxtarferli sem þetta nám er fyrir hvern og einn. Okkar fókus er að aðstoða nemandann við að vaxa og ná þeim árangri sem hann óskaði eftir.
Við köfum á dýptina með nemendanum, skoðum og virkjum valin gildi, viðhorf og aukum meðvitund á flóknum hugtökum eins og Meðvitund, Athygli og Orku. Við fléttum þetta allt saman við aðferðina og kennum hvernig þessi aukna meðvitund hefur bein áhrif á hvernig við birtumst í öllum aðstæðum og lífinu sjálfu.
Ef þú finnur fyrir löngun í að vaxa sem manneskja, vaxa í starfi eða stíga upp á næsta level í þínu lífi þá ert þú komin á réttan stað.
Við höfum mikla ástríðu fyrir faginu, einnig höfum við mikla vissu um umbreytingarmátt aðferðarinnar fyrir alla sem vilja. Aðferðin hefur sýnt það og sannað fyrir okkur margoft.

Nám í markþjálfun er kennt með fræðslu, umræðum, sýnikennslu og æfingum. Námið fer fram á íslensku og er samtals 67 klukkustundir, skipt niður í þrjár lotur. Námsefnið miðar að því að nemendur læri grunnhæfni markjálfunar samkvæmt stöðlum ICF (International Coaching Federation), sem eru grundvallarþættir árangursríkrar markþjálfunar.

Námið er staðarnám að mestum hluta og fer kennsla fram í Sköpunarsetrinu Síðumúla 35, 108 Reykjavík.

Grunn hæfnisþættirnir markþjálfunar:

  • Beita siðferðislega réttri hegðun
  • Viðhorf markþjálfa
  • Stofna til og viðhalda samkomulagi
  • Leggja rækt við traust og trúnað
  • Nærvera og viðvera
  • Beita virkri hlustun
  • Vitundarsköpun
  • Stuðla að auknum vexti

 

Lota 1
Í fyrstu lotu fáum við góða yfirsýn á samtalstækninni, öðlumst djúpan skilning á hæfnisþáttum markþjálfunar og kynnumst því hvaða eiginleika hún inniheldur og getur gefið.
Nemandinn öðlast færni á aðferðinni til þess að geta farið að nota hana og æfa sig í kjölfarið.
Einnig leggjum við mikla áherslu á að hver og einn fái að upplifa krafta markþjálfunar aðferðarinnar á eigin skinni og öðlast þannig djúpan skilning á sjálfum sér og öðrum.
Í lok þessarar lotu fær hver og einn nemandi úthlutað mentor markþjálfa og fær 3 einstaklings markþjálfunar tíma hjá reyndum mentor markþjálfa á meðan náminu stendur.

Lota 2
Í annarri lotu förum við á dýptina, köfum í kjarna manneskjunar og rannsökum flókin fyrirbæri eins og meðvitund, lífsorku einstaklingsins og lærum á verkfæri til þess að byggja upp okkar innri styrk og vöxt.
Einnig förum við dýpra í lykilþætti markþjálfunar og vinnum verkefni sem styrkir okkur í því hlutverki í framhaldinu.

Lota 3
Í þriðju lotu kynnumst við fleiri verkfærum og aðferðum sem við getum notað í markþjálfun. Einnig skoðum við muninn á hópmarkþjálfun og teymismarkþjálfun.
Síðasti dagurinn er hátíðisdagur og við leggjum loka hönd á námsefnið og lærdóminn. Eftir hádegi fögnum við árangrinum og vextinum sem átti sér stað á meðan náminu stóð.

Milli lota
Á milli lota er heimanám, þar sem hver og einn markþjálfar 6 klukkustundir á milli lotu 1 og 2 og aðrar 6 klukkustundir á milli lotu 2 og 3.

Greiðlumöguleikar og styrkir
Í kjölfar skráningar er krafa send í heimabanka greiðanda. Ef óskað er eftir því að dreyfa greiðslum er hægt að hafa samband á virkja[hjá]virkja.is og kanna möguleikana frekar.
Við hvetjum þig til að kynna þér rétt þinn á niðurgreiðslu námsgjalda hjá þínu stéttafélagi.
Flest stéttafélög styrkja félagsmenn sína til náms í markþjálfun. Áður en styrkur er sóttur þarf námsgjald að vera greitt að fullu.

  • 67 stundir
  • 8 dagar
  • 549.000 kr

Spurningar berist á laufey@virkja.is
Hvar Hliðarsmára 19

Næstu námskeið


Umsagnir

Image Description

Takk fyrir elsku Laufey fyrir að halda/skapa svona fallegt rými fyrir námið. Ég er búin að vaxa um nokkur númer eftir námið. Þessi vegferð hefur verið gjöf sem erfitt er að koma í orð. Ég mæli heilshugar með þessu námi ef þú ert tilbúin að vaxa og verða betri útgáfa af sjálfri þér, þá ertu komin á rétta staðinn.

Bergþóra Kummer Magnúsdóttir

Vááá… þvílíka gjöfin sem leiðbeinendur námsins voru fyrir mig og umheiminn að mínu mati. Metnaður þeirra og ástríðan þeirra á markþjálfun og nemendum sínum skín í gegn allan tímann. Öllum er mætt með aðdáunarverðri hlýju og stuðning í gegnum allt námið. Hvatning þeirra gerir það að verkum að sjálfsefling hvers og eins fær að njóta sín á nýju sviði. Þetta nám gaf mér ofboðslega öflug verkfæri til að efla mig sem manneskju og markþjálfa á komandi misserum. Ég hlakka til framtíðarinnar. Takk fyrir að gefa mér það og allt hitt.

Elías Þór Haraldsson
Image Description
Image Description

Markþjálfunarnámið hjá Virkja kennir ótrúlega áhrifaríka samskiptaaðferð sem mun koma til með að nýtast vel í öllum mínum samskiptum í framtíðinni. Hefur aukið hæfni mína í samskiptum, kennt mér að skapa mér og öðrum skýran fókus á það sem skiptir máli. Framúrskarandi leiðbeinendur eru það sem stendur helst upp úr. Faglegt og hnitmiðað nám kennt af mikilli ástríðu fyrir viðfangsefninu.

Eygló Scheving

Eftir að hafa markþjálfun í huga í nokkur ár og síðan fá markþjálfun frá Laufey, þá fann ég mjög skýrt í hjarta mér að mig langaði að læra það sem hún væri að gera. Mig langaði að læra hennar nálgun, hún gerði eitthvað alveg ótrúlegt í hvert sinn sem ég kom til hennar, á máta sem ég tengdi við að væri einstakur á hennar vegu. Svo þegar ég hafði samband og bað um einkakennslu í markþjálfun þá var hún nú þegar að búa til nám í markþjálfun, þvílík snilld og tilviljun. Ég skráði mig um leið og mætti spenntur fyrsta daginn með stórar vonir og væntingar. Ég hef oft brennt mig á að vænta of mikils, en þegar það kom að þessu námi þá var það sannarlega ekki raunin. Námið reyndist vera svo miklu meira en það og umbreytingarnar sem ég finn innra með mér eru svo kærkomnar. Námið og allt sem fellst í því hjálpaði mér að finna parta af mér sem ég hafði gleymt, en við endurfundinn sérlega saknað. Hver lota var líkt og í göngu að týna upp týndu brotin og síðan púsla þeim inn á rétta staði, eða aftur á sinn stað. Ég kom inn í von um að læra tækni og stíg út með betri tök á henni en mér hefði órað um. Laufey og hennar teymi, Rúna og Arnór koma þessu frá sér á svo skýra vegu og veita síðan svo mikinn stuðning og rými til að æfa sig. Allt ferlið var svo þægilegt og gott, þannig þegar ég horfi til baka þá er þetta nám alveg jafn ríkur grundvöllur til þess að gefa sjálfum sér gjöf sem nærir sálina og læra aðferðafræði og nálgun á aðra sem fær þá og mann sjálfan til að ljóma. Það kemur mér á óvart hvað ég finn ríka köllun til þess að byrja að markþjálfa og bera boðskap og gjafir Laufeyjar áfram. Þetta er tækni sem hittir í hjartastað og eitthvað sem allir hafa gott af.

Gísli Gunnarsson
Image Description
Image Description

Það fyrsta sem kemur upp í hugann þegar ég hugsa til baka til námsins míns hjá Virkja er heiðarleiki, virðing og kærleikur. Þekkir þú tilfinninguna þegar hugur, hjarta og talandi er í flæði ? Þegar þú ert 100 % í sjálfri / sjálfum þér í fullkomnu jafnvægi með hvað þú hugsar, hvað þú segir og hvað þú finnur í hjartanu. Það er einmitt þar sem kraftaverkin gerast. Það er hressilega farið í gegnum atriði í náminu sem kafa ofan í sjálfið, minna mann á hver maður er og fyrir hvað maður stendur og um leið veitir námið aðgang að frábærri verkfærakistu inn í framtíðina. Það eru til allskonar leiðir til að ná sér í markþjálfunar menntun og ég hef oft verið á leiðinni í það en ástæðan fyrir að ég tók loksins skrefið hjá Virkja var þetta fullkomna traust. Ég vissi að ég væri á réttum stað, vissi að Laufey hefði að geyma þau gildi sem eru mér svo mikilvæg. Elsku Laufey, Rúna og Arnór, takk óendanlega fyrir ykkur ❤ Ef ég dreg námið saman í eitt orð þá er lykilorði: ❤ „TÖFRAR“ ❤

Guðrún Helga Árnadóttir