Á þessu námskeiði notum við aðferðir sem eru skemmtilegar, uppbyggjandi og hvetjandi. Mikil áhersla er lögð á þig sem einstakling, því þú skiptir mestu máli í þessari sögu. Þú ert grunnurinn sem þú getur byggt ofan á í framhaldinu.

Við höfum öll heyrt talað um að við þurfum að líta inn á við til þess að gera breytingar hjá okkur sjálfum, en hvað þýðir það?
Til þess að vita hvað er að gerast innra með okkur þurfum við að sjá hvernig viðhorfin okkar speglast í umheiminum, og hvernig við upplifum við heiminn?
Við þurfum líka að komast að því hvað af þeim hugmyndum sem við höfum eru raunverulega okkar, hverju viljum við sleppa og hverju viljum við halda?

Markmið námskeiðsins er að þú öðlist dýpri skilning á því hvað býr innra með þér, hvernig þú getur nýtt styrkleika þína og hvaða stefnu þú ætlar að taka í átt að þínum veruleika. Við búum yfir svo miklu meira en við höldum, skoðum það, notum það og njótum þess.

Á námskeiðinu færðu verkfæri sem munu nýtast þér hvenær sem er á lífsleiðinni, til dæmis þegar þig vantar betri fókus, skýrari sýn eða aukna athygli á það sem þú vilt að verði að veruleika.

Námskeiðið er kennt á miðvikudögum kl. 20:15 – 22:15, þrjá miðvikudaga í röð.

Næsta námskeið hefst miðvikudaginn 5. febrúar 2020.

Þetta námskeið er skapað af ástríðu, kærleika og óbilandi trú á vexti einstaklinga. Við, Laufey og Stína, erum báðar ACC markþjálfar og rekum okkar eigin fyrirtæki. Laufey er stofnandi Virkja ehf (https://localhost/virkja/) og Stína er stofnandi Eldmóður fræðslusetur ehf (https://eldmodurinn.is/).
Á þessu námskeiði/ferðalagi sameinum við reynslu okkar og krafta í að skapa rými fyrir einstaklinga til sjálfsskoðunar, viðhorfsbreytinga og stefnumótunar.