Við leggjum okkur fram við að miðla efni sem stuðlar að vexti, árangri og vellíðan
Í heimi þar sem athyglin beinist oft út á við er mikilvægt að staldra við og tengjast aftur innri áttavitanum. Með því að snúa athyglinni inn, stilla af og rækta uppbyggilegt samband við okkur sjálf, byggjum við traust og innri festu. Þetta er æfing sem styrkir bæði okkur sjálf og tengsl okkar við aðra.
Laufey Haralds deilir með okkur einlægum orðum um áhrifin, þegar hún hætti að gefa afslátt á draumunum sínum og hvernig markþjálfunar aðferðin sem hún hefur innleitt inn í sitt líf breytti öllu varðandi það.
Það býr kraftur í því að stíga skref í átt að sjálfum sér. Ekki til að laga, heldur til að vakna, sjá, hlusta eða velja af meiri meðvitund. Markþjálfun er leið til að virkja þann kraft. Hún kallar fram skýra sýn, innri styrk og þá útgáfu af þér sem þú veist innst inni að þú ert fær um að verða. Ferlið byrjar ekki í framtíðinni, það byrjar núna. Með þér.
Til að uppgötva hvað við raunverulega viljum þarf að ryðja burtu gömlum hugmyndum og efasemdum sem hindra drauma okkar. Ferlið felst í sjálfsskoðun og umbreytingu þar sem við endurskoðum fortíðina til að móta betri framtíð. Við styrkjum okkur með því að standa með okkar eigin sannleika, brjótast út úr eyðileggjandi venjum og tengjast innri kröftum. Með meiri meðvitund og trú á okkur sjálf, getum við skapað líf sem er fyllt af gleði, þroska og innri styrk.
Þú hefur val um að byrja að hlusta áður en þú klessir á vegg. Þú þarft ekki að bíða eftir að lenda á honum, heldur geturðu byrjað strax að beina athyglinni að hlustuninni og því sem býr innra með þér. Hvað skynjar þú ef þú leyfir þér að staldra við, loka augunum og anda?
Nám í markþjálfun gefur stjórnandanum ekki aðeins tæki eða tól til þess að hafa góð áhrif á vöxt og velgengni. Stærsta gjöfin í náminu í markþjálfun er hið umbreytandi ferðalag sem kemur hverjum stjórnanda á þann stað sem hann velur meðvitað að vera á. Umbreytingin hefur mikil áhrif á hver manneskjan er sem stjórnandi en hefur líka gríðarlega mikil áhrif á hver hann er sem manneskja.
Þegar við finnum fyrir sjálfsöryggi sem manneskjur, stafar sú orka óhindrað frá okkur og það sama gildir um trúna á okkur sjálf. Þess vegna er í því fólgin mikil gjöf að fá að leiða nemendur í slíkt ferðalag í áttina að persónulegu jafnvægi, sátt og vellíðan. Við trúum að með þeim hætti náum við að skapa áhrifaríka markþjálfa sem eru tilbúnir til að hafa jákvæð áhrif á líf annarra.
Það upplifir engin heiminn eins og þú. Jafnvel þótt aðstæður og atburðir séu þeir sömu þá er engin upplifun eins. Upplifun er persónuleg túlkun á því sem er. Það er engin túlkun röng. Reyndar er öll túlkun í fullkomnu samræmi við gefnar forsendur. Þannig að við getum sagt að öll túlkun sé rétt.
Þegar þú fækkar útgáfunum af þér og leyfir þér að vera þú sjálf(ur) þvert á aðstæður og fólk, þá gætir þú fundið fyrir mótlæti. Það er eðlilegt. Þú ert ekki bara að breyta veruleikanum þínum. Þú ert að hreyfa við veruleika allra í kringum þig.
Hvernig langar þér að líða? Við könnumst öll við tilfinningar eins og sorg, gremju, ótta eða sektarkennd. Þetta eru eðlilegar tilfinningar eins og allar tilfinningar eru. En ef þær eru viðvarandi geta þær hamlað okkur í vexti og haldið aftur af okkur í að vera sú manneskja sem við höfum burði til að verða.